Top

घडणुको

फुगडी-धालो महोत्सव!

कला आनी संस्कृती संचालनालयान गोंयांत चार वेगवेगळ्या सुवातांनी आयोजीत केल्ल्या फुगडी-धालो महोत्सवाचें कला आनी संस्कृती मंत्री श्री दयानंद मांद्रेकार हांणी हालींच उक्तावण केलें.

 

बारदेस तालुक्यांतल्या शिवोली गांवांत शेळांतल्या श्री सांतेरी देवस्थानांत उक्तावण सुवाळो जालो. माशेलांतल्या श्री देववीकृष्ण रवळनाथ मंदिरांत जाल्ल्या सुवाळ्याक सहकार मंत्री श्री पांडुरंग ढवळीकार हाजीर आशिल्ले.

 

केपें तालुक्यांतल्या पाड्ड्यां पर्वतावेल्या श्री चंद्रेश्र्वर भूतनाथ संस्थानांत जाल्ल्या सुवाळ्याक कुडचडेंचें आमदार श्री निलेश काब्राल आनी कुंकळ्ळेचे आमदार श्री राजन नायक हाजीर आशिल्ले. धारबांदोड्यां साकोड्डेंच्या श्री महादेव देवस्थानांत जाल्ल्या सुवाळ्याक फोंडेचे आमदार श्री लवू मामलेदारान उपस्थिती लायिल्ली.

 

पारंपारीक भेस घालून आयिल्ल्या पंगडांनी सांस्कृतीक परंपरेप्रमाण फुगडी आनी धालो घाल्यो. दरेके सुवातेर वट्ट 80 ते 90 पंगडांनी आनी 1000 ते 12000 लोककलाकारांनी ह्या महोत्सवांत वांटो घेतलो. उपरांत ह्या सगळ्या कलाकारांक खात्यान प्रशस्तिपत्रकां भेटयलीं.

कला अकादमींत जावपी
कार्यावळींचें वेळापत्रक : 29-03-14 ते 04-04-14
English (70 KB) download
कला अकादमींत जावपी
कार्यावळींचें वेळापत्रक :12-04-14 ते 18-04-14
English (64 KB) download