Top

श्री रामनाथी देवूळ, बांदोडे

रामनाथी देवूळ, बांदोडे
श्री रामनाथी देवूळ, बांदोडे
person_ic
नामो
श्री रामनाथी देवूळ,
फोंडा, गोवा

बांदोडे वा बांदिवडे ह्या सुपूल्ल्या गांवातले दुसरे देवूळ म्हळ्यार रामनाथ देवाचे देवूळ. राजधानी पणजे शाराकडल्यान 22 किलोमीटर अंतराचेर आशिल्ले हे देवूळ फोंडे तालुक्यातल्या फर्मागुडी वाठाराकडल्यान कांय मिण्टांच्या अंतराचेर आसा.

आख्यायिका सांगता ते प्रमाण रामनाथ देवाक हे नांव रामेश्वर ह्या थळावेल्यान पडलें. अशें म्हणटात की श्री राम युध्दांत रावणाक मारल्या उपरांत पश्चातापान भरील्लो. प्रायश्चीत करपाच्या नदरेंतल्यान श्री रामान दर्याच्या देगेर शिवलिंग स्थापीत केले आनी म्हणून ताका रामेश्वर वा रामनाथ हे नांव पडले.

[read more=”Read more” less=”Read less”]

रामनाथ देवाची म्हुर्त दक्षीण भारतांतल्या रामेश्वर वाठारांतल्यान स्थलांतरीत जाल्ल्या गौड सारस्वत ब्राम्हणांनी पयली लोटले गांवात व्हरून एका देवळांत स्थापन केल्ली.

पोर्तुगींजांच्या देवळां मोडपाच्या धोरणाक भिवन गोंयातल्या हेर दैवतांप्रमाण रामनाथ देवाची म्हुर्त लोटलेच्या मूळ देवळांतल्यान काडून सद्या आशिल्ल्या बांदोडे गांवातल्या स्थळार हाडली. बांदोडे गांव तेन्ना बिजापूर राजवटीखाला आशिल्लो.

ह्या देवळांत श्री लक्ष्मीनारायण, श्री सांतेरी आनी श्री सिध्दनाथ अशी हेर दैवतांय आसात. गोंयातल्या हेर देवळांच्या विपरीत देवळाच्या सभामंडपाक खांबे नात आनी तरीय बायलां खातीर थंय एक खासा बसपाची सुवात आसा. देवळाच्या प्राकारांत पाच माळयांचो एक व्हड दिपस्तंभ आसा आनी ताच्या मुळाक हिंदू साधवांची चित्रां काडील्ली आसात.

गर्भकुडीच्या दारांचेर कांय सुंदर देखावे रुपेरी धातुंनी कोरांतील्ले आसात. एका देखाव्यांत भावीक लिंगाची पुजा करतना दाखयल्यात जाल्यार दुसऱ्या देखाव्यांत विष्णु देव, देवी लक्ष्मी बरोबर आपल्या सोरपाच्या शय्येचेर बशील्लो दाखयला.

देवळाचो वर्सूकी उत्सव वा जात्रा व्हडा उमेदीन पार पडटा आनी ह्या वेळार रामनाथ देवाक पालखेंत बसोवन ताची देवळा भोंवतणी भव्य मिरवणूक काडटात.
[/read]