उदकां स्त्रोत खात्या विशी

मुखेल अभियंतो (उदकां स्त्रोत) खात्याचे मुखेलपण हाताळटा आनी ताचे मुख्यालय पणजी-गोंय हांगां आसा. १) मुलभूतआनी पुरवणी नेम २) केंद्रीय नागरी सेवा (वर्गीकरण, नियंत्रण आनी आव्हान) नेम आनी ३) अर्थीक वीज नेम शिश्टमंडळ ह्या खाला ते खात्याचे मुखेल म्हूण घोशीत जाल्यात. खात्याच्या अधिकार क्षेत्रा अंतर्गत कामांचे परिणामकारक प्रशासन आनी सर्वसाधारण तशेंच वेवसायीक नियंत्रणाखातीर मुखेल अभियंतो सरकाराकडेन जबाबदार आसतलो आनी खात्याच्या संदर्भातल्या सगळ्या मुद्द्यांचेर मुखेल वेवसायीक सल्लागार आसतलो. लेखा वेवस्थापन आनी पयशांचे वांटप, स्टोराची कस्टडी संदर्भात नेमांचे सक्तीन पालन करप आनी लेखा सुपूर्द करप ह्या खात्याच्या कर्तव्याविशी हिशोब अधिकाऱ्याबरोबर तो समवर्ती नियंत्रण हाताळटा आनी तो अधिकारांकलागून अतिरिक्त सचीव म्हूण घोशीत जाता.

आपल्या नियंत्रणाखाला येवपी कामांखातीर आनी अनुदान चालू दवरप, ज्या कामांखातीर अनुदान मेळ्ळा ते त्या कामांखातीर पुरायपणान वापरता काय ना ते तपासपाखातीर खर्चाचेर देखरेख दवरपाक मुखेल अभियंत्यांक वर्सुकी अर्थसंकल्प अदमासाची स्थिती तयार करची पडटली. सर्वसाधारण निरिक्षण आनी शिंपणावळ कामां आनी हेर स्त्रोतांतल्यान मेळिल्ले येणावळीचें मुल्यांकन करपाचे नियंत्रण मुखेल अभियंत्याकडेन आसतले आनी तांणी मान्यतायेखातीर त्या पुराय वर्सांत आवश्यक अदमास तयार करूंक जाय आनी काळजीपुर्वक प्रगतीचो आडावो घेवंक जाय.

गोंय सरकारान विधानसभा कायद्यावरवीं गोंय तिळारी शिंपणावळ उदरगत म्हामंडळ घडयला. मुजती भितर तिळारी शिंपणावळ प्रकल्पाचें काम बेगीनात बेगीन पुराय करूंक स्त्रोतांखातीर खासा तरतूद करपाखातीर गोंय तिळारी शिंपणावळ उदरगत म्हामंडळ कायदो (१९९९ वर्साचे गोंय कायदो ६) केला.