प्रस्तावना
राजभास कायदो १९८७ चालीक लावचो आनी राज्यातल्या भाशांचे उदरगती खातीर येवजण्यो चालीक लावपा खातीर गोंय सरकारान २००४ वर्सा राजभास संचालनालय स्थापन केल्ले. सरकाराच्या धोरणा प्रमाण ह्या संचालनालयान तेन्नाच्या गोंय दमण आनी दिव संघप्रदेशाची कोंकणी ही राजभास म्हूण घेतली आनी ते प्रमाण गोंय, दमण आनी दिव राजभास कायदो, १९८७ (१९८७ कायदो ५) संघप्रदेश सरकार कायदो, १९६३(१९६३केंद्रीय कायदो २०) च्या ३४ कलमा खाला तयार केलो. कोंकणी राजभास आसतली आनी मराठी भाशेचो सगळ्या वा खंयच्याय अधिकृत कामां खातीर वापर जातलो अशें राजभास कायदो, १९८७ स्पश्ट करता. २०-०८-१९९२ह्या भारतीय संसदेन भारतीय संविधानात ७८ वी दुरूस्ती करून कोंकणीक भारतीय संविधानाच्या परिशिश्टांत आस्पावीत केली.
